Chapter No 14-پارہ نمبر ‹ Al-Hijr-15 سورت الحجر ›Ayah No-3 ایت نمبر
| ذَرْهُمْ یَاْكُلُوْا وَ یَتَمَتَّعُوْا وَ یُلْهِهِمُ الْاَمَلُ فَسَوْفَ یَعْلَمُوْنَ |
| آسان اُردو | ان (کافرین) کو(اُن کے حال پر) چھوڑ و کہ وہ کھا لیں اور وہ مزے کر لیں اور(خام) اُمید اُن کو دھوکہ دے لے. پھر جلدہی وہ جان لیں گے |
| (آسان اُردو ترجمے میں بریکٹ میں لکھے الفاظ، قرآن کی عبارت کا حصہ نہیں۔ یہ صرف فقرہ مکمل کرنے اور سمجھانے کے لیےہیں) |
| ایم تقی عثمانی | (اے پیغمبر) انہیں ان کی حالت پر چھوڑ دو کہ یہ خوب کھا لیں، مزے اڑا لیں، اور خیالی امیدیں انہیں غفلت میں ڈالے رکھیں، کیونکہ عنقریب انہیں پتہ چل جائے گا (کہ حقیقت کیا تھی)۔ |
| ابو الاعلی مودودی | چھوڑو اِنہیں کھائیں، پییں، مزے کریں، اور بھلاوے میں ڈالے رکھے اِن کو جھوٹی امید عنقریب اِنہیں معلوم ہو جائے گا |
| احمد رضا خان | انہیں چھوڑو کہ کھائیں اور برتیں اور امید انہیں کھیل میں ڈالے تو اب جانا چاہتے ہیں |
| احمد علی | انہیں چھوڑ دو کھا لیں اور فائدہ اٹھا لیں اور انہیں آرزو بھلائے رکھے سو آئندہ معلوم کر لیں گے |
| فتح جالندھری | (اے محمد) ان کو اُن کے حال پر رہنے دو کہ کھالیں اور فائدے اُٹھالیں اور (طول) امل ان کو دنیا میں مشغول کئے رہے عنقریب ان کو (اس کا انجام) معلوم ہو جائے گا |
| طاہر القادری | آپ (غمگین نہ ہوں) انہیں چھوڑ دیجئے وہ کھاتے (پیتے) رہیں اور عیش کرتے رہیں اور (ان کی) جھوٹی امیدیں انہیں (آخرت سے) غافل رکھیں پھر وہ عنقریب (اپنا انجام) جان لیں گے، |
| علامہ جوادی | انہیں ان کے حال پر چھوڑ دو کھائیں پئیں اور مزے اڑائیں اور امیدیں انہیں غفلت میں ڈالے رہیں عنقریب انہیں سب کچھ معلوم ہوجائے گا |
| ایم جوناگڑھی | آپ انہیں کھاتا، نفع اٹھاتا اور (جھوٹی) امیدوں میں مشغول ہوتا چھوڑ دیجئے یہ خود ابھی جان لیں گے |
| حسین نجفی | (اے رسول(ص)) انہیں چھوڑ دو کہ وہ کھائیں (پئیں) اور عیش و آرام کریں اور (بے شک جھوٹی) امید انہیں غفلت میں رکھے عنقریب انہیں (سب کچھ) معلوم ہو جائے گا۔ |
| M.Daryabadi: | Leave them thou to eat and to enjoy, and let vain hope divert them; presently they will know. |
| M.M.Pickthall: | Let them eat and enjoy life, and let (false) hope beguile them. They will come to know! |
| Saheeh International: | Let them eat and enjoy themselves and be diverted by [false] hope, for they are going to know. |
| Shakir: | Leave them that they may eat and enjoy themselves and (that) hope may beguile them, for they will soon know. |
| Yusuf Ali: | Leave them alone, to enjoy (the good things of this life) and to please themselves: let (false) hope amuse them: soon will knowledge (undeceive them). |
آیت کے متعلق اہم نقاط
آیت کا پچھلی آیت یا آیات سے تسلسل ہے یعنی ایک عنوان یا بات ہے جو کہ تسلسل سے ہو رہی ہے
کافرین کے بارے میں ہے۔ اُن کورزق بھی ملتا ہے، عیاشی بھی کرتے ہیں اور پھر اُن کو کفر کے انجام کا معلوم ہو جائے گا
کافرین کی ظاہری زندگی دیکھ کر دھوکہ نہ کھائیں۔