Chapter No 10-پارہ نمبر ‹ The Repentance-9 سورت التوبۃ ›Ayah No-1 ایت نمبر
| اَعُوۡذُ بِاللّٰهِ مِنَ النَّارِ وَ مِنۡ شَرِّ الۡکُفَّارِ وَ مِنۡ غَضَبِ الۡجَبَّارِ الۡعِزَّۃُ لِلّٰهِ وَ لِرَسُوْلِهٖۤ وَ لِلۡمُوّۡمِنِیۡنَ |
| میں آگ سے اور کافرین کے شر سے اور جبار (ظالم) سے اللہ کی پناہ مانگتا ہوں، عزت (طاقت) اللہ کے لیے اور اُس کے رسولﷺ کے لیے اور مومنین کے لیے ہے۔ |
| بَرَآءَةٌ مِّنَ اللّٰهِ وَ رَسُوْلِهٖۤ اِلَى الَّذِیْنَ عٰهَدْتُّمْ مِّنَ الْمُشْرِكِیْنَؕ |
| آسان اُردو | اللہ اور اُس کے رسولؐ بری الذمہ ہیں مشرکین میں سے اُن لوگوں کی طرف سے جن سے تم (یعنی مسلمانوں)نے ایک معاہدہ کیا ہے |
| (آسان اُردو ترجمے میں بریکٹ میں لکھے الفاظ، قرآن کی عبارت کا حصہ نہیں۔ یہ صرف فقرہ مکمل کرنے اور سمجھانے کے لیےہیں) |
| ایم تقی عثمانی | (مسلمانو) یہ اللہ اور اس کے رسول کی طرف سے دستبرداری کا اعلان ہے ان تمام مشرکین کے خلاف جن سے تم نے معاہدہ کیا ہوا ہے۔ |
| ابو الاعلی مودودی | اعلان برات ہے اللہ اور اس کے رسول کی طرف سے اُن مشرکین کو جن سے تم نے معاہدے کیے تھے |
| احمد رضا خان | بیزاری کا حکم سنانا ہے اللہ اور اس کے رسول کی طرف سے ان مشرکوں کو جن سے تمہارا معاہدہ تھا اور وہ قائم نہ رہے |
| احمد علی | الله اور اس کے رسول کی طرف سے ان مشرکوں سے بیزاری ہے جن سے تم نے عہد کیا تھا |
| فتح جالندھری | (اے اہل اسلام اب) خدا اور اس کے رسول کی طرف سے مشرکوں سے جن سے تم نے عہد کر رکھا تھا بیزاری (اور جنگ کی تیاری) ہے |
| طاہر القادری | اللہ اور اس کے رسول (صلی اللہ علیہ وآلہ وسلم) کی طرف سے بے زاری (و دست برداری) کا اعلان ہے ان مشرک لوگوں کی طرف جن سے تم نے (صلح و امن کا) معاہدہ کیا تھا (اور وہ اپنے عہد پر قائم نہ رہے تھے)، |
| علامہ جوادی | مسلمانو جن مشرکین سے تم نے عہد و پیمان کیا تھا اب ان سے خدا و رسول کی طرف سے مکمل بیزاری کا اعلان ہے |
| ایم جوناگڑھی | اللہ اوراس کے رسول کی جانب سے بیزاری کا اعلان ہے۔ ان مشرکوں کے بارے میں جن سے تم نے عہد وپیمان کیا تھا |
| حسین نجفی | (اے مسلمانو) خدا اور اس کے رسول کی طرف سے اعلانِ برأت ہے ان مشرکین سے جن سے تم نے (صلح کا) معاہدہ کیا تھا۔ |
| M.Daryabadi: | Quittance is this from Allah and His aposle unto the associators with whom ye had covenanted. |
| M.M.Pickthall: | Freedom from obligation (is proclaimed) from Allah and His messenger toward those of the idolaters with whom ye made a treaty: |
| Saheeh International: | [This is a declaration of] disassociation, from Allah and His Messenger, to those with whom you had made a treaty among the polytheists. |
| Shakir: | (This is a declaration of) immunity by Allah and His Apostle towards those of the idolaters with whom you made an agreement. |
| Yusuf Ali: | A (declaration) of immunity from Allah and His Messenger, to those of the Pagans with whom ye have contracted mutual alliances:- |
آیت کے متعلق اہم نقاط
تاریخی آیت ہے