Chapter No 1-پارہ نمبر ‹ The Cow-2 سورت البقرۃ ›Ayah No-8 ایت نمبر
| وَمِنَ النَّاسِ مَنۡ يَّقُوۡلُ اٰمَنَّا بِاللّٰهِ وَبِالۡيَوۡمِ الۡاٰخِرِ وَمَا هُمۡ بِمُؤۡمِنِيۡنَ |
| آسان اُردو | اور لوگوں میں سے ہیں جو کہتے (تو) ہیں: (کہ) ہم اللہ کو اور یوم آخر کومانتے (تسلیم کرتے) ہیں،اور وہ ماننے والوں سے نہیں ہیں۔ |
| (آسان اُردو ترجمے میں بریکٹ میں لکھے الفاظ، قرآن کی عبارت کا حصہ نہیں۔ یہ صرف فقرہ مکمل کرنے اور سمجھانے کے لیےہیں) |
| ایم تقی عثمانی | کچھ لوگ وہ ہیں جو کہتے ہیں کہ ہم اللہ پر اور یوم آخرت پر ایمان لے آئے، حالانکہ وہ (حقیقت میں) مومن نہیں ہیں |
| ابو الاعلی مودودی | بعض لوگ ایسے بھی ہیں جو کہتے ہیں کہ ہم اللہ پر اور آخرت کے دن پر ایمان لائے ہیں، حالانکہ در حقیقت وہ مومن نہیں ہیں |
| احمد رضا خان | اور کچھ لوگ کہتے ہیں کہ ہم اللہ اور پچھلے دن پر ایمان لائے اور وہ ایمان والے نہیں، |
| احمد علی | اور کچھ ایسے بھی لوگ ہیں جو کہتے ہیں کہ ہم الله اور قیامت کے دن پر ایمان لائے حالانکہ وہ ایمان دار نہیں ہیں |
| فتح جالندھری | اور بعض لوگ ایسے ہیں جو کہتے ہیں کہ ہم خدا پر اور روزِ آخرت پر ایمان رکھتے ہیں حالانکہ وہ ایمان نہیں رکھتے |
| طاہر القادری | اور لوگوں میں سے بعض وہ (بھی) ہیں جو کہتے ہیں ہم اللہ پر اور یومِ قیامت پر ایمان لائے حالانکہ وہ (ہرگز) مومن نہیں ہیں، |
| علامہ جوادی | کچھ لوگ ایسے بھی ہیں جو یہ کہتے ہیں کہ ہم خدا اور آخرت پر ایمان لائے ہیں حالانکہ وہ صاحب ایمان نہیں ہیں |
| ایم جوناگڑھی | بعض لوگ کہتے ہیں کہ ہم اللہ تعالیٰ پر اور قیامت کے دن پر ایمان رکھتے ہیں، لیکن درحقیقت وه ایمان والے نہیں ہیں |
| حسین نجفی | اور کچھ لوگ ایسے بھی ہیں جو کہتے ہیں کہ ہم اللہ اور روزِ آخرت پر ایمان لائے ہیں۔ حالانکہ وہ مؤمن نہیں ہیں۔ |
| M.M.Pickthall: | And of mankind are some who say: We believe in Allah and the Last Day, when they believe not. |
| M.Daryabadi: | And of mankind are some who say: we believe in Allah and in the Last Day: whereas they are not believers. |
| Yusuf Ali: | Of the people there are some who say: "We believe in Allah and the Last Day;" but they do not (really) believe. |
| Shakir: | And there are some people who say: We believe in Allah and the last day; and they are not at all believers. |
| Saheeh International: | And of the people are some who say, "We believe in Allah and the Last Day," but they are not believers. |
آیت کے متعلق اہم نقاط
منفرد یا الگ آیت:جس کا پچھلی ایت یا آیات سے کوئی تسلسل نہیں۔ ایک الگ بات یا موضوع کے بارے میں ہے
علمی ایت: ایک ایسی ایت جس میں کوئی حکم نہیں ہوتا یعنی ایسی ایت محکم نہیں ہوتی ہے اور کسی اور ایت سے متاشبہ ہو بھی سکتی ہے
یا نہیں ہو سکتی۔ بنیادی طور پر اس ایت سے انسان کے علم میں اضافہ ہوتا ہے۔
ایسے لوگوں کے بارے میں جو منہ سے تو کچھ اور کہتے ہیں لیکن دل میں کچھ اور رکھتے ہیں
اگلی آیات میں ایسے لوگوں کی خصلتیں بیان کی جائیں گی۔